गजल-दोसी भएँछु

चोखो माया गरेर मत दोषी भएँछु

हृदय माँझ झरेर मत दोषी भएँछु!

बन्धन सारा युगान्त बुलन्द बनाउँन

मिठो सुवाष छरेर मत दोषी भएँछु!

सागर'सरी माया पबित्र पार्नलाई

मनको  बाध तरेर मत दोषी भएँछु!

ढुकढुकी चालमा हर बखत सम्झेर 

यादै यादमा मरेर मत दोषी भएँछु!

टेक भण्डारी

सल्सवरी,एडिलेड

साउथ अस्ट्रेलिया 

गजल

यहाँ बाँच्नुको अर्थ टुट्यो जब मित नलाएसी उनले 

यहाँ नाँच्नुको अर्थ लुट्यो जब गित नगाएसी उनले

रंगमन्चमा रंगिदै जाँच्दै थिएँ म उनको चमकलाई

तर जाँच्नुको अर्थ छुट्यो जब जित नपाएसी उनले!

 ईन्द्रेणी रंगमा साँच्दै थिँए म उनकै रिति थितिलाई

तर साँच्नुको अर्थ चुट्यो जब रित नछाएसी उनले!

बारुले कम्मर भाँच्दै थिँए म उनकै नजिक खुलेर

तर भाँच्नुको अर्थ फुट्यो जब प्रित नचाएसी उनले!

Tek Bhandari

South Australia 

7:10 pm-2014( Saturday )

गजल

प्रेम युद्धमा फारम,भरिँदैन प्रिये

बिना लगन तिम्लाई,हरिँदैन प्रिये।

तिमी भन्छेउ चाडो शहरतिरै सर

जागिर नखोजी डेरा,सरिदैन प्रिये।

तिमीलाई हतार सिउँदो रंगाउँने

धरमा नसोधी बिहे,गरिँदैन प्रिये।

अंगुरका झुप्पा ती लहरै छन बाँकी

स्याउ नबेची मधेश,झरिदैन प्रिये।

नगर हतार झुपडी त्यो सजाउँन 

बिना पुजारी सदबिउ,छरिदैन प्रिये।

निम्तो बाँड्न सुपारी किन्न खर्च नगर

पात्रो नहेराई खोल्सी,तरिँदैन प्रिये।

टेक भण्डारी

एडिलेड,साउथ अस्ट्रेलिया 

गजल

सुतेउ? सुतेँ त ! कसरी? आँखा सिएर

कुरेउ? कुरेँ त !  कसरी?  नशा पिएर!

अब के सोध्नु छ नजिक आएर सोध

चुमेउ? चुमेँ त ! कसरी? पप्पी दिएर!

जुलुम भाकोछु आजभोली तिम्रो प्रश्नले

हुलेउ? हुलेँ त ! कसरी? अँवपुरै  खिएर!

सुत्नै दिएनौ आहा! रापीलो अंग छुँदै

बुजेउ? बुजेँ त ! कसरी? स्वाद लिएर!