गीतहरु

गीत-१ (हात समाई संगै हिड्ने)
हात समाई संगै हिड्ने रहरहरु जले सबै
यस्तै गर्यो बिधाताले प्रेमिल पर्खाल ढले सबै।

बन्धन टुट्यो साथ छुट्यो,समझौतानै यस्तै भयो
साँचेका ति सुन्दर सपना उड्ने भूवा जस्तै भयो।
हात समाई संगै हिड्ने............

दोष जति मलाई सुम्पी निर्दोष बनि बाटो मोडेउ
लाग्छ तिमी खुशीनै छौ त्यसैले त मलाई छोडेउ।
हात समाई संगै हिड्ने...............

गित- २ (पाईला मोडेउ अर्कैतिर)
पाईला मोडेउ अर्कैतिर रेटेउ छाती घातले
बलेँसीको पानी संझी टेकेउ छाती लातले।

कस्तो साईनो दियौ दैब सिसासरी फुटी जाने
हात समाई हिँड्दा हिँड्दै दोबाटोमै छुटी जाने।
संबन्ध जोडेउ अर्कैसंग रेटेउ छाती घातले
बलेँसीको पानी संझी टेकेउ छाती लातले।

नाता तोडेउ साथ छोडेउ भर परेउ पराईको
मेरो प्रेमलाई बदर गर्दै सदर गरेउ पराइको।
हातका ति चुरा फोडेउ रेटेउ छाती घातले
बलेँसीको पानी संझी टेकेउ छाती लातले।
Last coming soon.....

गित- ३ (अामा भन्दा प्यारो ठाँने)
आमा भन्दा प्यारो ठाँने तर भूल गरेँछु प्रिये
फूल भन्दा कोमल ठाँने तर भूल गरेँछु प्रिये।

थाहा भयो जिवन के हो माया साट्दै जाँदा
सोचे भन्दा फरक भयो....दुरी फाट्दै जाँदा
तिमीलाई तन मन दिएँ तर भूल गरेँछु प्रिये
तिम्रै लागी पल पल खिँए तर भूल गरेँछु प्रिये
आमा भन्दा प्यारो ठाने तर भूल गरेँछु प्रिये
फूल भन्दा कोमल ठाँने तर भूल गरेँछु प्रिये।

यस्तो लाग्थ्यो तिमी बिना बाँच्न कहाँ सक्छु र म
तिमीसंगको नाता तोडी...हाँस्न कहाँ सक्छु र म
अमृत दिई बिष पिए तर भूल गरेँछु प्रिये
पिडा सही खुसी दिएँ तर भूल गरेँछु प्रिये
आमा भन्दा प्यारो ठाँने तर भूल गरेँछु प्रिये
फुल भन्दा कोमल ठाँने तर भूल गरेँछु प्रिये।

गीत- ४ (एउटा चिनो तिम्रो है नामको)
एउटा चिनो तिम्रै है नामको मुटुभित्र साँच्याछु लै लै
मिठो माया किरणझैँ घामको मुटुभित्र साँच्याछु लै लै
जुनी जुनी संगै बसौला कान्छी
प्यारै प्यारको डोरीले कसौँला
एउटा चिनो..........
मिठो माया..........

पँधेरीको समझना बोकी तिम्रै लागी बाँच्याछु लै लै
याद आउँदा धड्कनै रोकी तिम्रै लागी हाँस्याछु लै लै
जुनी जुनी संगै बसौला कान्छी
प्यारै प्यारको डोरीले कसौँला
एउटा चिनो..........
मिठो माया..........

आज भोली डेरा है मनको तिम्रै गाउँमा सार्याछु लै लै
मुटु भित्रको राजधानी  तिम्रै नाउँमा पार्याछु लै लै
जुनी जुनी संगै बसौला कान्छी
प्यारै प्यारको डोरीले कसौँला
एउटा चिनो..........
मिठो माया........

गीत- ५ (एक्लोउदासी)
म त उदास उदास उदासको कथा लेखेर बाँच्ने मान्छे
कैले सिसा कैले काँडामाथी पाउ टेकेर नाँच्ने मान्छे।
त्यसैले त भन्छन मलाई उदासी साँच्चै एक्लोउदासी।

हाँस्न खोज्दा मुस्कानहरु रिसाएर किनार लाग्दा
जसलाई आफ्नो सोच्यो सबै तर्किएर पर भाग्दा
म त दुख पिडा बिछोडको कथा लेखेर बाँच्ने मान्छे
कैले सिसा कैले काँडामाथी पाउ टेकेर नाँच्ने मान्छे।
त्यसैले त भन्छन मलाई उदासी साँच्चै एक्लोउदासी

साथ दिँदादिदैँ अजम्बरी माया दुई किनार भएसी
रातमा छाती रेटेर घृणाले पराई संग अन्तै गएसी
म त धातै घातले सजिएको कथा लेखेर बाँच्ने मान्छे
कैले सिसा कैले काँडामाथी पाउ टेकेर नाँच्ने मान्छे ।
त्यसैले त भन्छन मलाई उदासी साँच्चै एक्लोउदासी ।
टेक भण्डारी
एडिलड,साउथ अस्ट्रेलिया

गीत - ६ (कस्लाई हुन्छ र पिउँने रहर)
कस्लाई हुन्छ र पिउँने रहर प्याला समाउँदै
कस्लाई हुन्न र जिउँने रहर सिउँदो रंगाउँदै।
कस्लाई हुन्छ र पिउँने रहर..................

डोली'भित्र लाजको घुम्टो फरियाले छोपेर
कस्लाई हुन्न र अन्मिने रहर बाजा बजाउँदै।
कस्लाई हुन्छ र पिउँने रहर..................

चादनीझैँ पूर्णिेमाको रातमा मुहार खोलेर
कस्लाई हुन्न र नाँच्ने रहर उत्सब मनाउँदै।
कस्लाई हुन्छ र पिउँने रहर................

सुन्दर शान्त बगैँचामाँझ फुल्झैँ फक्रिएर
कस्लाई हुन्न र फुल्ने रहर धर्ती हसाउँदै।
कस्लाई हुन्छ र पिउँने रहर...............
कस्लाई हुन्न र जिउँने रहर...............

गीत -७ (सक्नु पर्छ जिउँन एक्लै एक्लै)
सक्नुपर्छ जिउँन एक्लै एक्लै जिएर त देखाउ अब,
मैले जस्तै जहर प्यालाको पिएर त देखाउ अब।

जब सुन्दर घरै भत्किएपछी छुरी चला'उँदा घातको
उदास मरुभूमि बन्यो शहर चुरा न'बजा'उदा हातको।
कैले कहीँ काँडै काँडामा हिँडेर त देखाउ अब
मैले जस्तै जहर प्यालाको पिएर त देखाउ अब।
सक्नुपर्छ जिउँन एक्लै एक्लै जिएर त देखाउ अब।
मैले जस्तै जहर प्यालाको....

हुरी लिएर आयौ निभाई दियौ जलाएको दियो साँझको
हिँड्दा हिँड्दै दोबाटो माँझ तोडेउ नाता दुई मुटु माँझको
सक्छौ भने छाती पिडाले सिएर त देखाउ अब
मैले जस्तै जहर प्यालाको पिएर त देखाउ अब
सक्नुपर्छ हिँड्न एक्लै एक्लै हिँडेर त देखाउ अब
मैले जस्तै जहर प्यालाको...

गीत - ८ (घात सहेर जिउँने)
घात सहेर जिउँने बानी पर्याछ मलाई
मात सहेर पिउँने बानी पर्याछ मलाई
तिमी जेसुकै भन प्रिये..........
लात सहेर जिउँने बानी पर्याछ मलाई
घात सहेर..........बानी पर्याछ मलाई।

रगत एउटै भएनी भेदभाबको जाल रचायौ
प्रेममा जहर घोलेर घातको खाल्टोमा खसायौ
अब त जेसुकै भन प्रिये...............
जात सहेर जिउँने बानी पर्याछ मलाई
घात सहेर जिउँने बानी पर्याछ मलाई।

एउटै मुर्ति पुज्नलाई मन्दिर अलग बनायौ
सुनकै महल भएनी दियो त एउटै जलायौ
तिमी जेसुकै भन प्रिये.........
बात सहेर जिउँने बानी पर्याछ मलाई
घात सहेर..........बानी पर्याछ मलाई।

गीत - ९(जब यादहरु)
जब यादहरु घाउ भएर जिउँछन
जब साथहरु एक्लो भएर हिँड्छन
तड्पिएर मुटु दुख्छ,भड्किएर सासै रुक्छ
जब साथहरु,रातहरु टुक्रा भएर गिर्छन।

बगिरने कलकल जलको धारा नजिक गएनी
झरीरने झर झर निलो झर्नाकै नजिक भएनी
प्यासै नमर्दो रैछ.........
जब यादहरु, साथहरु टुक्रा भएर गिर्छन।
तड्पिएर मुटु......

तस्विर हेरेर जिउँन साँच्चै मुस्किल भएपछि
पुर्णेको रात पनि यहाँ औँशीझै लागेपछि
यादै नहट्दो रैछ.........
जब यादहरु,साथहरु  टुक्रा भएर गिर्छन
तड्पिएर मुटु....

गीत - ११(तिमी त पूर्णिमाको जुन बनेर)
तिमी त पूर्णेिमाको जुन बनेर छाएथेउ
खुसीका रंग लिएर मेरो जिवनमा आएथेउ
तर खै कस्को नजर लाग्यो टाडीएर पर सरेउ
मान्छे सबै एकै भएनी खै किन भेदभाब गरेउ।

एकैपल मेरो नजर नदेख्दा मूर्झीएर रुने तिमी
मेरै अभाबमा लुकेर आँशुले नयन धुने तिमी
तर खै दैबको खेल होकी रिसाएर आँखा तरेउ
मान्छे सबै एकै भएनी खै किन भेदभाब गरेउ।
तिमी त...........

तिम्रो सिउँदो सजाउँदा मन्दिरमा कसम खाएर
भनथेउ तिम्रै हुँ प्रिये जुनिभर चोखो सिन्दुर लाएर
तर खै भावनामा फरक पर्योकी एता फुली अन्तै झरेउ
मान्छे सबै एकै भएनी.........खै किन भेदभाब गरेउ।
तिमी त..........

गीत - १२(तिमी मेरी आँखाकी नानी)
तिमी मेरी आँखाकी नानी नरिसाउ है जानी जानी
तिमी मेरी मायाकी खानी नरिसाउ है जानी जानी
तिमी मेरी जिवन साथी बर्षाई देउन मायाको पानी
तिमी मेरी आँखाकी नानी..........

जुन भन्नु घाम भन्नु झिलिमिलि तारा तिमी
मुटु माँझ  फुलि रहने हरियाली सारा तिमी
पिडा बड्दा कोमल हातले मलम लाउँने दानी तिमी
तिमी मेरी आँखाकी नानी..................
तिमी मेरी जिवन साथी.......................

तिम्रो कर्के नजर राम्रो लाग्छ प्यारो आनी बानी
तिमी रुँदा मलाई दुख्छ नरोईदेउन है मेरी सानी
धर्ती हाँस्छ हाम्रो मिलन सुनझै झुल्दा छानी छानी
तिमी मेरी आँखाकी नानी..................
तिमी मेरी जिवन साथी....................

गीत - १४(पानीसरी हुन्छु छलछल)
पानीसरी हुन्छु छलछल चोटहरु छल्कीदिँदा
सम्झीएर रुन्छु पलपल पिडाहरु बल्झीदिँदा।
पानीसरी हुन्छु.....

कसरी पो मन बुजाँउ गाउँबस्ती छुट्यो सबै
खेतबारी कान्ला पुरै बैरी आई लुट्यो सबै
आगोसरी हुन्छु खलखल यादहरु सल्कीदिँदा
सम्झीएर रुन्छु पलपल पिडाहरु बल्झीदिँदा।
पानीसरी हुन्छु.....

सिन्दुर पोते हातका चुरा धागोसरी चुँट्यो सबै
माटो संग लाएको नाता सिसासरी फुट्यो सबै
मुर्दासरी हुन्छु थलथल अतितहरु झल्कीदिँदा
सम्झीएर रुन्छु पलपल पिडाहरु बल्झीदिँदा।
पानीसरी हुन्छु......

गीत - १५(बाल गीत)
बाल गजल
आउ न पढ्न आउ क च ट त  प नानीहरु
आउ न पढ्न आउ ख छ ठ थ फ रानीहरु!

अ आ इ ई भन्दै उ ऊ लाई च्याप्प समाई
आउ न पढ्न आउ ग ज ड द ब सानीहरु!

हेर लौ ए ऐ ओ औ अं अ: का  मात्राहरु
आउ न पढ्न आउ घ झ ढ ध भ ज्ञानीहरु!

य र ल व स ष श लाई ह क्ष त्र र ज्ञ दिएर
आउ न पढ्न आउ ङ ञ ण न म दानीहरु!

गीत - १६(बेहुली बनेर गयौ)
बेहुली बनेर गयौ,अर्कैको नाता जोडेर
सारा दोषहरु मलाई सुम्पी,बाटै मोडेर।

म पनि त हाँस्दै अन्मिँदै थिएँ,मलामी बिच
अोफ! हतारिँदै गयौ बेगझैँ,साथै छोडेर।

कस्तो रमाईलो लगन,तिमी अगि म पछी
मैले कफन तिमी गयौ,मखमल ओडेर।

तिमी नाँच्दै थियौ,नौमती बाजामा अगाडी
म संखको तालमा,रम्दै थिएँ भाग्य तोडेर।

दुध दहीले पर्छिए तिमीलाई,मलाई माटोले
वा! बुहारी बनेउ कसैको,मेरो ज्यानै गोडेर।

स्वागरात र चिताको नाता,(गहिरो रहेछ)२
तिम्ले प्यास मेट्दा,जल्दै थिएँ म,छाती फोडेर।

गीत - १७(म त झरी झरी'रहेँ)
म त झरी झरी'रहेँ आँशु संगै झरीरहेँ,
म त परी परी'रहेँ घातको आलमा परीरहेँ,
तिमीले त हेरिरयौ,
टाडाबाटै हेरिरयौ,
मत झरी................!
मत परी................!

तिमी हाँसेउ मेरो पिडा माथी पाईला सजाएर,
कहिले खोपेउ मुटु मेरो तिखो छुरा चलाएर,
मत हाँसी हाँसी'रहेँ पिडासंगै हाँसीरहेँ,
मत बाँची बाँची'रहेँ छुरासंगै बाँचीरहेँ!
तिमी भने नाचीरयौ,
छाती कुल्ची नाचीरयौ,
मत झरी.................!
मत मरी.................!

तिमी बसेउ किनारैमा मलाई सागरबिच छोडी
कैले बालुवामा छोडेउ पानी अर्कैतिर मोडी,
मत बगी बगी'रहेँ सागरबिच बगिरहेँ,
मत ठगी ठगी'रहेँ बालुवाबिच ठगिरहेँ,
तिमी भने बाँचिरयौ,
मलाई मारी बाँचीरयौ,
मत झरी..................!
मत परी..................!

गीत - १८(मदहोशी तिम्रो चाल)
मदहोशी तिम्रो चाल देखेर म त बेहोश भएँ लौ
कल्किझैँ त्यो बाल देखेर म त बेहोश भएँ लौँ।

चौबन्दीमा सजिएर फुलझैँ सुवास छरी छरी
ओठमा लाली टल्काएर हाँसी दिन्छौ मरी मरी
मनै भुल्ने त्यो ढाल देखेर म त बेहोश भएँ लौ।
मदहोशी तिम्रो चाल देखेर म त बेहोश भएँ लौ।

मौशम बद्लिए'सरी बद्लि दिन्छौ घरी घरी
लठ्ठै पार्छौ जवानीले कर्के नजर तरी तरी
बैँशको त्यो छाल देखेर म त बेहोश भएँ लौ
मदहोशी तिम्रो चाल देखेर म त बेहोश भएँ लौ।

गीत - १९(मायामा खेल नखेल्नु)
मायामा खेल नखेल्नु भन्थेउ आफैँ खेलेर गयौनी प्रिये
अँधुरो कथा नलेख्नु भन्थेउ आँफै लेखेर गयौनी प्रिये!
आधी बाटोमा छोडेर.....
सम्बन्ध चट्टै तोडेर......

फुल्दै गरेको हाम्रो प्रिती अचानक चुँडेर गयौनी प्रिये
चोखो मायामा बिष घोली सर्वस्व लुटेर गयौनी प्रिये
आधी बाटोमा छोडेर...
सम्बन्ध चट्टै तोडेर......
मायामा खेल........................

मिठो मुस्कान छर्दै आयौ प्यास मेटेर गयौनि प्रिये
प्रितीको अनौठो रित लेखी मुटु रेटेर गयौनी प्रिये।
आधी बाटोमा छोडेर.....
सम्बन्ध   चट्टै  तोडेर.....
मायामा खेल..............................

गीत - २०(मुटुमा छुरा रोपेर)
मुटुमा छुरा रोपेर फुलको कुरा गर्नेलाई
चोखो नाता तोडेर भूलको कुरा गर्नेलाई।
कसरी बिश्वास गरौँ म......
सडकमा काँडा बिछ्याई पूलको कुरा गर्नेलाई।

कुल्चियौ छाती पाउले अनि हाँसेउ जुनझैँ खुलेर
एक्लो पारेउ सडकमा अनि नाँचेउ उत्सवमा झूलेर।
कसरी विश्वास गरौँ म घाउमा चुक छर्नेलाई
मुटुमा छुरा रोपेर फुलको कुरा गर्नेलाई ।

बसाई सरेर रातमा छिमेकी सारा हँसायौ
साँझको दियो निभाई जिन्दगी अंधकार बनायौ।
कसरी विश्वास गरौँ म पानीमा जहर भर्नेलाई,
मुटुमा छुरा रोपेर फूलको कुरा गर्नेलाई।

गीत - २१(मैले माया लाएको मान्छे)
मैले माया लाएको मान्छे अर्कै मनले हरेपछि
मेरो मनले चाहेको मान्छे अन्तै डेरा सरेपछि
भन्नु के नै रहयो अब धागोझैँ माया चुँटेपछि
जतन गरि जोडेको बन्धन सिसासरि फुटेपछि।
मैले माया लाएको मान्छे......................

जेजे भन्यौ जेजे  माँगेउ चुपचाप दिएँ आँफ्नै ठानि
खुशी दिएँ दु:ख लिएँ चुपचाप मैले आँशु छानी
यति गर्दा गर्दै मोडेउ अर्कै बाटो जानी जानी
चोखो माया उखेलेर अर्कै रोपेउ तानी तानी।
मैले माया लाएको मान्छे.........................

कती कठोर तिम्रो मन फर्कि आईनौ माया लाउँन
घाटमा एक्लै छटपटीँदा किन आईनौ सोक गीत गाउँन।
यता तोडी उता जोडेउ हाँसी खुशी बाँचे हुन्छ
जल्दै गर्छु अग्निमा म उत्सव मनाउँदै नाँचे हुन्छ।
मैले माया लाएको मान्छे........................

गीत -२२ (रित्तो पनको चौतारीमा)
रित्तो पनको चौतारीमा.....तिमी आयौ पिडा हर्दै
आकाशझैँ कन्चन सफा माया लायौ खुसी भर्दै।
एती चोखो एती मिठो साथ छोडेउ के का लागि
आँफै भन पबित्र यो साईनो तोडेउ के का लागि।

चन्द्रमाझैँ अंधकारमा..तिमी आयौ रोश्नी छर्दै
सित्तल चन्चल पवन बनी मनमा छायौ रंग भर्दै
फेरि किन अन्तै'तिर नाता जोडेउ के का लागि।
आँफै भन पबित्र यो साईनो तोडेउ के का लागि।

जिन्दगीको गोरेटोमा....हात समाई अगी सर्दै
हाँसो दियौ खुसी दियौ संगै जिउँने बाचा गर्दै
तर दोबाटोमै छोडी पाईला मोडेउ के का लागि।
आँफै भन पबित्र यो साईनो तोडेउ के का लागि।

गीत - २३(हाँस्ने रहर भएर के भो)
हाँस्ने रहर भएर के भो जब आँशु भागमा परेसी
चोखो माया दिँदा दिँदै जब बिश्वास'घात गरेसी।

भेटिनु र छुटिनु जिवनमा भाग्यको नै खेल रहेछ
यस्तो लाग्छ मान्छेको संबन्ध हुरी बतास भेल रहेछ
बाँच्ने रहर भएर के भो जब काल नै घर्तीमा झरेसी
चोखो माया दिँदा दिँदै जब बिश्वास'घात गरेसी।

जुन घाम तारा सबै उस्तै पूर्व पश्चिम उत्तर गएनी
फेरी किन भेदभाव हुन्छ सबको खुन रातै भएनी।
नाँच्ने रहर भएर के भो जब काँडा पाउमा छरेसी
चोखो माया दिँदा दिँदै जब बिश्वास'घात गरेसी।

"Copyright is strictly prohibited"